Actividades Día do Libro 2025

 

Para celebrar este día tan importante fixemos, como todos os anos, unha exposición  da obra máis importante  en lingua castelá: El Ingenioso hidalgo Don Quijote de la Mancha, de Miguel de Cervantes.

O Alumnado de 6º contou e representou a súa obra Don Quijote en Lourenzá

Todo o colexio acudiu a nosa cita.

Foi unha xornada moi divertida. Ao alumnado pareceulle un pouco curta. Entón tivemos dúas sorpresas:

 Dalia, unha alumna de 1º de E.P, con axuda dos seus compañeiros contou un conto chamado O viaxe das fadas. Un conto moi divertido que ela mesmo inventou para celebrar este día.

Tiago, un alumno de 6º de E.I. experto en Dinosaurios tamén nos contou unha aventura moi graciosa destes animais.

Izan, Noel e Adam remataron a xornada con adiviñas literarias e chistes.

Moitas grazas a todos por participar !!!

Foron felices e comeron perdices.

 Outro dos tesouros que atopamos na biblioteca é este libro de S. Calleja. Polas nosas investigacións trátase dun libro de texto de lingua castelá que polo menos ten 124 anos.

Procedente probablemente dalgunha escola unitaria das parroquias ou de Vilanova.

Nesta investigación tamén descubrimos que Saturnino Calleja  publicou dous tipos de libros:

Libros escolares como o que temos na nosa biblioteca e libros de ficción.

Os máis famosos son os chamados Contos de Calleja.

Estes contos eran unha especie de cromos que fai cen anos coleccionaban os nenos e nenas da época.

Era unha forma de achegar a lectura ás clases populares.

Os contos medían uns 5 centímetros e gardábanse nunha caixa de lata.

Homenaxeando aos nosos antepasados, alumnado e profesorado escribiu e ilustrou 

un conto e puxémolos ao dispor de todos.

A fin de curso os nosos contos serán depositados nunha caixa de lata que queremos que non volva abrirse ata que pasen 50 anos. 

E como dícía Saturnino, esperamos que se cumpla aquelo de " foron felices e comeron perdices" frase que el inventou para rematar os seus contos.  

Día do Libro 2024 Exposición " Don Quijote no colexio"

Este curso o noso colexio  cumpre 50 anos.

Pareceunos que é o mellor momento para revisar e analizar o noso fondo histórico de libros.

Decidimos habilitar un espazo para estudalo e custodialo.

Así foi como atopamos algunhas das xoias bibliográficas coas que realizamos as actividades que che imos a mostrar.

O equipo de biblioteca agradece a colaboración do alumnado de 3º de E. P. que foi fundamental para a realización destas actividades.

Decidimos que para celebrar este día nada mellor que facer unha exposición de todos os exemplares de diferentes edicións que temos na biblioteca.

Así foi como apareceu este que vedes na foto. Probablemente procede de algunha antiga escola unitaria das parroquias ou da antiga escola de Lourenzá. A data de publicación é de 1942.

Temos de todas as épocas.

Os nosos avós, pais e nós mesmos sempre temos un momento para achegarnos a este fermoso libro.

Jane Goodall para nenos

Os alumn@s de 3º investigaron, escribiron e ilustraron a biografía de Jane Goodall, podedes vir vela á biblioteca do cole.

Neste vídeo só vai unha pequena reseña.

Don Quijote en Lourenzá. Actividades Día do Libro.

Empezamos coñecendo o libro...

 

E creamos a nosa estrafalaria terceira parte ...

    

                                                                                Aventuras 2º

Aventuras 3º

Aventuras 4º

Actividades Día do Libro

Achégase o 23 de abril Día Mundial doLibro e do Dereito de Autor.

 Como en anos anteriores a Consellería de Educación adicoullo a unha persoa referente da literatura galega actual, neste caso ao escritor, xornalista e divulgador da cultura de Galicia, Manuel Gago, quen creou un texto orixinal cedido xenerosamente para esta pequena peza de difusión do Día do Libro, centrándose nas potencialidades do libro e da lectura e que nos agasalla esta evocadora afirmación: 

"Cada libro que lemos queda gardado no noso peito como semente, paxaro ou xabarín"

Que a primavera entre polas fiestras e traia a voz das aves para acompañar as nosas lecturas!

Propóñovos as seguinte actividade:

1. Facede clik na nena que tedes abaixo.

2. Elexide o libro que vos guste.

3. Podedes facer un debuxo e mandarmo para publicar. 

4.Tamén podedes enviarme a vosa crítica.
5.Iustrar o lema de este ano con un debuxo "Cada libro que lemos queda gardado no noso peito como semente, paxaro ou xabarín"

Semana do libro. Festa de Fabola.

Vai pasando o tempo e Fabola xa ten cinco anos. Como ides a ver fixemos moitas actividades para celebralo.
Pero  o mellor de todo  é que  os nenos do colexio pasades todas as semanas por aquí para coller un libro ou para facer un traballo. Iso é o que fai medrar a Fabola. Seguide así!!!!

Semana do Libro .Los tres cerditos.

Os alumnos de 6º prepararon esta orixinal proposta de teatro en verso. Escoitade e mirade que forma máis divertida de contar un conto.

Semana do Libro. A que sabe a Lúa 5º

Os alumnos de 5º contaron en directo esta fermosa historia.

Semana do Libro. Autorretratos literarios

Pensamos en facer unha homenaxe aos nosos libros favoritos. Por iso cada un de nós debuxou o seu 

 "autoretrato". que leva  incluido unha camiseta moi especial. Sabedes que significan?

Pola mañá e antes de tocar o timbre, Fabola tiñanos preparada unha caixa de aventuras para empezar ben o día.

Semana do Libro. A verdadeira historia de Dudoso

Esta semana tamén se cumple o 5 aniversario de Fabola, que como sabedes naceu o día do Libro.

Aquí tedes unha mostra do que fixemos.

Os alumnos de 4º amosaron o seu orixinal libro A verdadeira historia de Dudoso que como podedes ver está editado e rexistrado como todos os libros da biblioteca.

Neste vídeo podedes velo, seguro que vos gusta moito!!!

Día do libro .400 anos da morte de Cervates.

Para lembrar ao xenial escritor e a súa obra máis importante: Don Quixote.  Programamos diferentes actividades durante todo o mes de abril.

Aquí tedes un adianto do que fixemos para o Día do Libro.

Os alumnos de 6º que están realizando un proxecto sobre Cervantes decidiron confeccionar uns marcapáxinas deseñados por eles.

O venres 22 de abril, despois de moito traballo agasallaron a toda a comunidade esducativa con un. 

Os alumnos de 3º elaboraron e crearon este fermosa obra de monicreques.

Día do Libro. Don Quixote

Os nenos de infantil e 1º e 2º viñeron ler un pouco do xenial libro.

Tamén adornaron a biblioteca cós muiños da novela, si miras como Don Quixote ves xigantes , pero si tes a mirada de Sancho Panza ves muiños.

E fixemos este mural, para onde irán Don Quixote e Sancho?

Día do libro. A maleta da avoa.

o  día do libro veunos ver  unha chica chamada Raquel Queizás.

Tiña moitas cousas nunha maleta da súa avoa.

Coplas, lendas, refráns, adiviñas, retahílas...

Dende a biblioteca e co motivo do Día do Libro, o pasado 25 de Abril, os alumnos e alumnas do Ceip Juan Rey  recolleron diversos textos de tradición oral. Colaboraron familiares e amigos. Esta idea artellouse dende o Recuncho de Creación.