Galiñas de Biblioteca

Este mes, entre libro e libro, as protagonistas foron as nosas Galiñas de Mos. Se as paredes da biblioteca falasen, non contarían contos, senón píos!

Todo empezou nesa incubadora que se converteu no centro das miradas. Grazas ao batallón de alumnos e alumnas que, día tras día, cargaron coa auga necesaria para que a humidade fose a ideal. Pasamos de observar ovos estáticos a escoitar os primeiros "crac" que anunciaban que a vida estaba en camiño.

Unha vez que romperon a casca e viron que o mundo era moito máis grande que a incubadora, os nosos pequenos exemplares de raza Mos decidiron ir de excursión pola Mariña, descubrindo recunchos, picoteando por aquí e por acolá, e dándolle alegría ás nosas rúas.

Aviso para navegantes: Se vedes un pito cun aire moi intelectual e camiñar decidido pola praza, non vos estrañedes... é que naceron rodeados de sabedoría!

A poesía enche de versos o noso patio

 Esta semana, a nosa biblioteca saíu fóra das súas paredes para celebrar a Semana da Poesía dun xeito moi especial. Transformamos o patio nun espazo de creación e lectura grazas ao noso obradoiro de poesía ao aire libre

.A xornada non tería sido posible sen a inestimable axuda dos nosos alumnos e alumnas auxiliares, que fixeron un traballo fantástico seleccionando coidadosamente diversos poemarios, tanto en galego como en castelán, para inspirar a todos os compañeiros.

A imaxinación botou a voar en todos os niveis de Primaria:

Haicus saudables: O alumnado de 3º, 4º, 5º e 6ºcrearon versos saudables.

Homenaxe a Platero: O alumnado de 2º de E.P. crearon un poema colectivo homenaxeando ao famoso personaxe de Juan Ramón Jiménez.

Unha ponte entre artistas: Don Santos e Clara Peeters

Ao colocar as nosas versións de Clara Peeters no comedor, decatámonos de algo moi especial. Alí xa nos agardaban outros bodegóns! Trátase das obras de Don Santos, un antigo profesor do centro que, hai anos, tamén quixo decorar este espazo con alimentos, peixes e cores.

É fantástico ver como os pinceles de Don Santos e os nosos debuxos inspirados na mestra Clara Peeters se dan a man nas paredes do colexio:

• Unha tradición artística: Do mesmo xeito que Clara Peeters foi pioneira no seu tempo, Don Santos deixou a súa pegada artística para que todos os alumnos e alumnas puidesen desfrutar dela mentres xantaban.

• Un comedor con moita historia: Agora, o noso comedor convértese nunha verdadeira galería de arte. Alí conviven os peixes e carnes de Don Santos coas flores, queixos e froitas de Clara Peeters que nós recreamos.

Dúas épocas diferentes e tres miradas distintas (a de Clara, a de Don Santos e a vosa) unidas por unha mesma paixón: a arte e a alimentación.

Non esquezades botarlle un ollo a esta exposición colectiva tan especial a próxima vez que vaiades comer!

O Banquete de Clara Peeters: Unha fiestra ao pasado

 Que vemos na mesa?

    • A comida: No centro destaca unha torta decorada con moito detalle, pezas de pan, olivas nun prato de porcelana e ata unhas aves preparadas para comer. Era a forma que tiña a pintora de amosar como era un banquete de luxo nesa época.

    • Obxectos brillantes: Clara era unha mestra pintando o metal e o cristal. Fixádevos na xerra de cerámica e na copa de ouro (o cáliz); parecen tan reais que case se poden tocar.

    • O segredo escondido: A Clara Peeters gustáballe "asinar" os seus cadros de xeito moi curioso. Moitas veces pintaba o seu propio autorretrato en pequeno, reflectido nos brillos das xarras ou das copas. É como un xogo de atopar o personaxe oculto!

Quen cociña na túa casa?

 No Día da Muller, o alumnado de 4º de Primaria colleu os micros para facer a pregunta do millón: Quen cociña na túa casa? 

 O alumnado  analiza con moito arte como se reparten as tarefas entre fogóns. Hai chefs de todo tipo, pero todos teñen algo claro: a igualdade é o mellor ingrediente!

Non vos perdades este podcast cheo de frescura, risas e moito talento local.

Escoita aquí aos nosos podcasters de 4º e descobre a realidade das nosas cociñas! 

Reivindicando o talento feminino: Clara Peeters no Día da Muller

Este 8 de marzo, na biblioteca celebramos o Día da Muller cunha protagonista moi especial: a pintora Clara Peeters.

Aínda que hoxe é famosa, na súa época as mulleres non o tiñan nada fácil para ser artistas. Clara foi unha muller valente que demostrou que o talento non ten xénero, pintando uns bodegóns de alimentos tan reais que parece que se poden comer!

• Coñecemos a súa historia: Os nosos bibliotecarios auxiliares prepararon un vídeo xenial sobre a súa vida para que todos os alumnos e alumnas souberamos quen foi esta muller pioneira.

O gran festín de queixo de 6º de Primaria

Se hai algo que nos queda claro despois de ver o traballo de 6º de Primaria, é que a Clara Peeters gustáballe merendar... 

Nesta obra, os nosos alumnos e alumnas debuxaron un bodegón que dá moita fame:

• Montañas de queixo: ¡Un por riba do outro! Porque sabemos que o queixo é o rei de calquera merenda saudable e enerxética. 

• A xarra e o pan: O acompañamento perfecto para este banquete tan artístico.

• O coitelo detective: Unha vez máis, atopamos o famoso coitelo onde Clara escribía o seu nome para reivindicar que as mulleres tamén eran grandes mestras da pintura. 🖋️🔪

No vídeo de stop motion, veredes como se vai montando este "puzzle" de queixos. Despois de ver este vídeo, seguro que a máis de un lle van entrar ganas de ir correndo á cociña a preparar unha merenda coma a de Clara.

Benvidos ao banquete de 6º Non esquezades o pan! 

"Cesta de froitas, floreiro e vaixela" 5º E.P.

 Os artistas de 5º de Primaria puxéronse as lentes de detective para recrear esta "Cesta de froitas, floreiro e vaixela". O resultado é espectacular, pero... coidado! Se vos fixades ben, este cadro ten un detalle moi especial.

Sabedes que facía Clara Peeters para que ninguén esquecese que ela era a autora? Agochaba o seu nome no coitelo!

Naquela época, as mulleres non o tiñan nada fácil para asinar os seus cadros, así que Clara era unha experta en "camuflar" a súa sinatura. Os nosos alumnos e alumnas de 5º aprenderon este truco e debuxaron cada froita, cada flor e cada obxecto con moitísima precisión para que a súa obra fose tan importante coma a de Clara.

No vídeo de stop motion de 5º, poderedes ver como se monta este bodegón cheo de historia e valentía.Buscade ben o coitelo, que por aí anda o rastro dunha gran muller!

Unha merenda de luxo 2º E.P.

 

Na clase de 2º de Primaria puxéronse elegantes para celebrar o Día da Muller con Clara Peeters. Pero non pensedes que foi unha tarde calquera... Foi unha merenda real!

Os nosos artistas fixaron a súa propia versión deste cadro tan famoso e non lle falta detalle:

• Flores de cores: Para que a mesa arrecenda de marabilla. 

• Cousas ricas: Galletas e froitos secos para que ninguén quede con fame. 

• Copas e xarras: Incluso debuxaron o licor para brindar pola nosa pintora favorita! 

No seu vídeo de stop motion, poderedes ver como esta merenda vai aparecendo na mesa coma se fose por arte de maxia.