Estamos nun tempo de quedar na casa, por iso dende o blog da biblioteca imos propoñervos actividades, lecturas ou páxinas onde crear os teus propios soños, onde pasalo ben e aprender.
Benvidos ao blog da biblioteca do Ceip Juan Rey!

29 nov 2019

25 de Novembro. Día internacional contra a violencia de xénero

Estas son as actividades que fixemos para traballar este tema dende a biblioteca e coa colaboración de toda a comunidade educativa.
 CHORACHE CAROLINA
O argumento central podería ser o seguinte: "Ela nunca facía o que quería porque se plegaba sempre a aceptar o que desexaba él. De tanto dicir "vale" perdeu o valor e él pensou que non era nada". Contraponse permanentemente ese VALE ao necesario NON.
Tomouse como referente unha peza tradicional galega e pediuse aos nenos cambiar a letra valorando que a muller galega tamén estivo sempre nunha situación de desigualdade.
A continuación analízanse catro situacións cotiás nas que unha mamá, a de calquera neno ou nena e polo tanto unha persoa moi querida, nunca pode facer  o que ela decide porque asinte a todo e non se fai valer:
Mamá mercou un vestido novo e vaise poñer guapa para sair pero o traxe queda colgado sen usar porque ao papá non lle gusta e a mamá dice "vale" porque non sabe dicir "NON"
A mesma situación se repite noutra situación habitual, ir tomar un café coas amigas, á que novamente renuncia sen protestar...sen mediar violencia e cun tranquilo "vale".
Un terceiro episodio, normal e sen violencia, ocorre cando despois de traballar ambos, un descansa e outro non.
Todos estes casos nos que a mamá cede teñen repercusión no seguinte onde xa o pai berra cando ela fai algo mal. Os nenos e nenas foron percibindo como o feito de non dicir NON leva a perder esa posición de igualdade necesaria e como consecuencia leva ao seguinte episodio dramático onde xa non hai remedio.
A última escena onde a nena pensa na súa propia vida e como dicir NON a pequenas cousasw evita males no futuro, reflexa o valor da educación das nenas e os nenos para acabar coa desigualdade e a violencia de xénero.
E TI, SABES DICIR NON?


A idea central da imaxe é a prevención da violencia a través do empoderamento das persoas que reciben o trato desigual (as mulleres) e a toma de conciencia de todos sobre eses xestos que, nun principio non son censurados como violentos,  pero que acaban levándonos á situación intolerable de mortes por violencia machista.
            En cada unha das situacións que se representa os nenos foron analizando a palabra NON como unha capacidade que debe de ter a persoa, neste caso as mulleres e as propias nenas para rebelarse e parar todas aquelas actitudes que pretendan privarlles dun dereito: ser coma os seus compañeiros en todos os aspectos e facerse valer á par que os demáis membros de xénero masculino. Repartir o traballo doméstico foi elexido como un exemplo dos máis elementais pero calquera renuncia imposta  nos gustos e maneira de ser foi igualmente analizada.
A pregunta recurrente "E ti sabes dicir NON?" pretende facer unha toma de conciencia sobre un mesmo. As nenas para analizar se algunha situación que ven e lles sucede a elas, súas nais, súas avoas ten esa resposta necesaria de NON. Os nenos para rexeitar, igualmente eses privilexios que non son lexítimos pois agreden a outros. Esa toma de conciencia será o que mude actitudes nos nenos e nenas e nos leve a unha educación na igualdade.

Pararse a pensar coma a nena sentada na silla e tomar a decisión de dicir NON a cada pequeno abuso e, por suposto a situacións de violencia directa a traves do teléfono 016 permitiranos impedir situacións dramáticas como a da imaxe central onde unha muller, que pode ser unha nai , a de calquera,  foi asasinada. Cando na imaxe do lado parecía tan normal e había un abuso ao que non dixemos NON.




.

30 sept 2019

Abrimos as portas en horario completo e celebramos o Día das Bibliotecas


Ilustradora :Daniela 6º
Abrimos un curso máis as portas deste lugar cheo de historias, aventuras, recunchos de investigación e creación.

Esperamos que: -Te animes a ler moito e que o fagas nun ambiente tranquilo e agradable.
-Que podas atopar a información que necesites.
-Que podas realizar calquer traballo con tranquilidade.
-Que podas crear. Lembra que todo o que podas imaxinar, faise real si o escribe.
A Biblioteca está aberta de luns a venres tanto no recreo de mañá como despois do comedor. Non deixes de visitarnos!!!
Celebración do Día das Bibliotecas

  “O conto máis longo do mundo”

Os alumnos e alumnas de 5º e 6º investigaron e contaron a todo o alumnas  a historia e a evolución dos contos infantís.

Elaborando e lendo entre todos un conto xigante que foi doado a biblioteca municipal.




24 jun 2019

Lourenzá, 1000 anos de Historia

Para saber máis da vida dos mosteiros 


INVESTIGA COMO SERÍA O NOSO MOSTEIRO AQUÍ TEDES INFORMACIÓN DAS PARTES QUE TIÑAN,




Este proxecto naceu cunha idea principal, que o alumnado fora quen de entender a historia da súa vila, analizando a evolución e as distintas etapas históricas de Lourenzá, poñendo en valor o seu patrimonio e a necesidade de coidalo. É dicir, o obxectivo principal era concienciar aos nenos e nenas do papel que eles xogan na conservación dos seus bens patrimoniais.
Para a consecución deste obxectivo leváronse a cabo diferentes actividades e tamén se realizaron varias saídas escolares. Entre as actividades feitas podemos destacar:
.-       A visita ao Pazo de Tovar. 
Nesta visita coñecimos  a Belén López, arquitecta e restauradora que nos amosou como se plantexa un proxecto de restauración dun ben  patrimonial e que ferramentas son as máis axeitadas. 



Maqueta do Pazo de Tovar


-   Percorrido do Camiño que pasa polo noso concello . 
Mapa do Camiño ao seu paso por Lourenzá realizado por nós


 Neste mochila que nós mesmos diseñamos leva toda a información que necesita un peregrino ao seu paso por Lourenzá ,

 -       Concerto na igrexa. 
O mestre de música organizou un concerto, na propia igrexa, usando os órganos barrocos (só un deles), coa axuda do párroco e a colaboración do organista Bene Sáez.

-       Visita ao mosteiro de Lourenzá.
Visitamos a igrexa, o museo, as capillas e a biblioteca. A bibliotecaria do Concello foi a encargada de amosarnos a igrexa e o mosteiro e fíxonos de guía, explicándonos todo o que hai de valor alí dentro. As familias colaboraron na fotografía e aportando documentación histórica.

-       A investigación sobre o patrimonio da igrexa, como os órganos barrocos e a interpretación dalgunha peza musical de creación propia; a elaboración de sinais que se propuxeron ao concello para que os nenos e nenas non xogaran a pelota diante do mosteiro…

-       Realización dun cómic no que se explica parte da historia de Lourenzá e que foi publicado en galego, castelán, inglés e francés.
-   Creación dun libro guía de Lourenzá para os peregrinos-
-       Saída reivindicativa para loitar pola conservación do noso patrimonio. Toda a comunidade educativa participou cunha pancarta co seguinte lema:

O mosteiro é noso, non o deixes caer”.
Estes son os 5 vídeos que resumen a historia de Lourenzá:












Bibliografía utilizada que podedes consultar nesta biblioteca:
Copia autentica de la vida del Conde Santo Arquivo catedralicio de Mondoñedo 1772
La Vida del Conde Santo Cesar Chavarría Pacio 1985
Osorio Gutiérrez, o "conde-santo" de Vilanova de Lourenzá Carlos Andrés González Paz 2009

3 jun 2019

A carballeira do Juan Rey



Coa colaboración de Voz Natura   quixemos facer unha carballeira nun  recuncho do noso patio. Aquí vos queda o vídeo  no que o guión e montaxe foi realizado polos alumnos de 5º e 6º.
Tamén vos deixamos a definición  e caracteristicas de esta árbore tan importante para a conservación do entorno galego que atopamos na Galipedia .




Carballo é a designación común das cerca de seiscentas especies de árbores e arbustos.

 Os Querci(carballos)  medran en calquera tipo de terreo, tanto en chairas como en ladeiras rochosas. En xeral, as especies de folla caduca distribúense máis cara ao norte e as de folla persistente, cara ao sur. Caracterízanse por ser árbores rexas e fortes e polos froitos: as landras.

Diferentes especies de carballos son moi comúns en toda Galicia. De feito os carballos constitúen a formación forestal máis representativa do país: a carballeira.
 As carballeiras teñen estado en regresión debido sobre todo á actividade humana e á substitución destes bosques por reforestacións de especies foráneas coma o piñeiro  ou o eucalipto; con todo, tense incrementado a extensión das carballeiras nos últimos anos, especialmente nas zonas do interior.

23 may 2019

Letras Galegas 2019: Antón Fraguas

 Traballamos a súa vida e a súa obra con diferentes actividades, aquí tedes unha pequena mostra.

Aqui tedes a súa biografía que montamos, diseñamos e publicamos en diferentes formatos: vídeo, mural e .cómic






         No noso Xardín Literario os alumnos de E.P. contaron a súa vida con  unha montaxe de fotos e debuxos.

Sabemos que Antón Fraguas era etnógrafo si viñera por Lourenzá seguro que lle encantaba este mural que fixemos.



26 abr 2019

Ledicia Costas a nosa escritora favorita

Para celebrar o Día do Libro  veu Ledicia Costas, coñecimos  unha escritora con moita imaxinación.
Podedes ver neste vídeo as cousas que nos contou e xa sabedes que tedes os seus libros a vosa disposición.


25 mar 2019

Semana da Prensa 2019



 Un ano máis celebramos a Semana da Prensa.
A nosa Bibliomóvil está estes días de xornais e revistas de diferntes contidos.
Como nos gustou moito imos seguir máis días.


Tamén editamos un número especial de Voz de Fabola. 


Aquí tedes a nosa edición especialA Voz de Fabola. Edición Especial

8 mar 2019

Versos Vellos en Follas Novas

Neste audiolibro podedes escoitar e ver o noso día de Rosalía.
Na entrada que tedes debaixo podedes ver fotos do que fixemos.
Pero xa sabedes que podedes vir ver esta exposición ao cole, todos estades convidados.

Versos Vellos en Follas Novas.

Un ano máis  lembramos á nosa escritora máis universal: Rosalía de Castro.
 Despois dun estudo e revisión da súa obra, cada curso seleccionou e ilustrou versos das súas obras máis coñecidas .


  Nesta  arbóre   cada un de nós escribiu os versos que
máis nos gustaron da autora.



Infantil 3 
Infantil 4 
Infantil 5


18 feb 2019

A vaca Lola

Os alumn@s de Infantil despois de investigar e traballar moito sacaron pastar a súa vaca.


11 feb 2019

Traballando a Paz

Un ano máis os alumnos e alumnas do colexio celebramos o Día da Paz.
Os alumnos de 6º investigaron,  editaron e publicamos esta biografía de Gandhi:


 Os de 5º investigaron os grandes problemas do mundo e realizando esta edición especial do Telexornal, Esperamos que vos guste.
A totalidade do alumnado realizaron este muro da Paz. Aínda que pareza contradictorio fixemos un  muro que non deixe pasar a violencia, as guerras, as inxustizas...

18 ene 2019

Bo Nadal


Con estes vídeos queremos felicita a toda a comunidade educativa e lembrarvos que ler un bo libro é unha forma xenial de pasar estes días. Bo Nadal a todos!!!!