Unha celebración "saudable" do Día da Biblioteca

Este ano, para celebrar o Día da Biblioteca, decidimos darlle unha volta aos contos de sempre. Esquecemos as lambetadas e o azucre para dar paso á nosa propia "Casita Saudable"

Monicreques  e moito talento

Os nosos auxiliares de biblioteca prepararon unha función  moi especial. Nesta versión do conto, a casiña non era de chocolate, senón de alimentos sans e ricos.

 Adiviñas con moita vitamina

Os nenos e nenas de 1º e 2º de Primaria foron os grandes protagonistas. Axudáronnos a descubrir que comer ben é divertido recitando unhas adiviñas sobre verduras e peixes. Demostraron que son uns auténticos expertos en alimentación sa!

 

Unha casiña feita entre todos

O mellor de todo foi o traballo en equipo. Todo o colexio participou na decoración da nosa "Casita Saudable". Entre todos, cambiamos as paredes de galleta por froitas e hortalizas cheas de cor. 

Nota importante: Queremos pedirvos desculpas polo son do vídeo. Tivemos algúns problemas técnicos no momento da gravación, pero non queriamos deixar de compartir con vós este momento tan especial.