Este mes estamos a tope na biblioteca. Nós, os bibliotecarios e bibliotecarias auxiliares, puxémonos mans á obra para preparar unha animación á lectura que mola moito: montamos unha exposición con toda a colección de libros de Harry Potter e seleccionamos un montón de historias máis dese estilo que vos van enganchar dende a primeira páxina.
Entre cabazas, pantasmas e misterios por resolver, ides ver que a verdadeira maxia de Samaín non se bebe... ¡ese! Porque non hai feitizo máis potente que un bo libro para viaxar a outros mundos e pasar un intre divertido (e con susto incluído).
Un conto de terror... ¡en podcast!
Por se fora pouco con toda a liada mágica que montamos, apeteceunos ir máis alá. Así que metámonos a escritores e escritoras: escribimos e gravamos o noso propio conto de terror!
Pronto o imos publicar na canle da biblioteca para que o escoitedes ben agachados debaixo da manta. Preparade os auriculares porque vos vai poñer os pelos de punta!
"Palabras, feitizos e monstros creados por nós mesmos para celebrar o mes máis terrorífico do ano."
Estade moi atentos ao blog e á canle para non perderdes o estrea. Mentres tanto... cal é o libro co que vós ides celebrar este Samaín? Deixádenos un comentario!
No hay comentarios:
Publicar un comentario