Grazas aos nosos bibliotecarios e bibliotecarias

 A nosa biblioteca non sería igual sen o traballo e a ledicia que achegan os nosos alumnos e alumnas bibliotecarios auxiliares. Son o corazón do espazo!

Queremos darlles as grazas por todo o que fan cada día:

• Organizan os libros e os xogos para que estean sempre listos para todos.

• Preparan actividades especiais e divertidas para os nenos e nenas de infantil.

• Están a axudar a cambiar o mobiliario para facer a biblioteca máis cómoda e moderna.

• Escollen libros para as exposicións temáticas e crean novos rincóns para descubrir historias.

Grazas polo voso esforzo e por facer que a nosa biblioteca estea sempre viva e marabillosa.

Parabéns e moitas grazas!

Curso 26-27

 Benvidos e benvidas a un novo curso escolar na biblioteca!

Este ano abrimos as portas a un curso fascinante, cheo de misterio, ilusión e moita fantasía. Baixo o lema «Lourenzá Mágica», transformaremos o noso espazo nun recuncho onde a verdadeira maxia non se fai con variñas nin con conxuros, senón coa mellor ferramenta que existe: os libros e a lectura.

Entre os andeis da nosa biblioteca agardan historias capaces de facerte voar sen saír do sitio, viaxar no tempo, descubrir segredos esquecidos e espertar a túa imaxinación. Cada páxina que abras será unha nova aventura por descubrir.

Prepara os teus ollos de curiosidade e déixate levar polo abraio. O viaxe comeza xa... Preparaos para vivir un ano inesquecible!

Que comece a maxia en Lourenzá!