Protexédevos e navegade con cabeza!

 O pasado 4 de novembro,  recibimos a un membro experto en redes da Garda Civil, quen impartiu unha charla moi interesante ao noso alumnado de 5º e 6º de primaria. Os rapaces e rapazas estiveron moi atentos durante toda a sesión, participando activamente e tomando conciencia dun uso máis seguro e responsable de internet.

Da man do especialista, aprendemos pautas fundamentais que debemos ter sempre presentes:

    • A idade legal e o uso responsable: Un dos puntos clave que nos recordaron é que, á nosa idade (5º e 6º de primaria), a normativa establece que non se poden ter redes sociais propias nin contas de correo electrónico de forma autónoma (a idade mínima en España son os 14 anos). Calquera acceso digital debe facerse sempre coa autorización e supervisión directa dunha persoa adulta.

    • Coidar a privacidade: O que se sube á rede queda alí para sempre; por iso, nunca debemos compartir información persoal, enderezos, números de teléfono ou fotos.

    • Respecto e empatía: O acoso virtual (ciberbullying) é un problema serio. Debemos tratar aos demais na rede co mesmo respecto co que o facemos en persoa.

    • Contrasinais seguros e prudencia: No caso de utilizar plataformas educativas ou ferramentas autorizadas, é vital empregar claves complexas e non compartilas con ninguén.

    • Coidado cos contactos descoñecidos: Non todas as persoas que están detrás dun perfil son quen din ser. Non se deben aceptar amizades de persoas descoñecidas.

    • Comunicación e confianza: Ante calquera dúbida ou situación incerta na rede, a regra de ouro é acudir de inmediato a unha persoa adulta de confianza ou aos profesores.

Grazas a iniciativas coma esta, seguimos avanzando na educación dixital do noso alumnado, lembrando que a seguridade na rede é cousa de todos e todas. Protexédevos e navegade con cabeza!