Premio Fabola de poesía 2025

Neste curso que dedicamos ao mar quixemos que todo o alumnado descubra ao poeta do mar. 

Antonio García Teijeiro  levounos  ao fondo do mar, a coñecer sereas e a navegar polos sete mares.

O noso premio Fabola de poesía é para o seu libro Poemar o Mar, que xa no 2017 foi Premio Nacional de Poesía.

Todo o alumnado coñeceu e leu este libro. 

                              

O alumnado de 4º de E.I. coñeceu, ilustrou e recitou o poema Quere o mar o que non ten.

                                                

O alumnado de 5º de E.I. coñeceu, ilustrou e recitou o poema Unha serea poeta.

O alumnado de 6º  de E.I. coñeceu, ilustrou e recitou o poema Neno raro.

Despois eles tamén fixeron versos azul celeste e verde esmeralda que podedes ver ao final do vídeo.

O alumnado de E. P. tamén coñeceron e ilustraron a obra do autor aquí tedes debuxos e vídeos que iremos poñendo ao longo do curso. Grazas a todos por participar e ler poesía .

                               

                             
Nour-Ham creou este vídeo con debuxos feitos por ela do  poema Unhas coxégas ao mar.

Martina creou este vídeo con debuxos feitos por ela do  poema Soños de pombas.

Paula  creou este vídeo con debuxos feitos por ela do  poema Sorrimar.

Jonathan e Xabi crearon este vídeo con debuxos feitos por eles do poema un , dous tres.

Estrella, Carmen, Bader  e María recitan  e crearon este vídeo con versos do autor .

Día do Libro Infantil: Mariña, a serea ecoloxista

 Como todos os anos lembramos a obra de Hans C. Andersen con unha exposición.

Este ano que dedicamos ao mar, traballamos un dos seus contos máis famosos: A Sereiña.

Aínda que nós fixemos outra versíón .

A nosa serea chámase Mariña, é unha serea ecoloxista que con axuda dos seus amigos limpan e coidan do mar.

Está feito con debuxos do alumnado. Tamén utilizamos diferentes recursos e programas de deseño gráfico. Esperamos que vos guste.

Temos dúas versións unha para ler e outra en vídeo. Cal vos gusta máis?

Contos do mar

 Propuxemos ao alumnado que crease  personaxes relacionados co mar: piratas, sereas, baleas, mariñeiros ...todo o que quixesen.

Cando remataron foron colocados no mar de Fabola.

E así entre todos creamos miles de historias e vídeocontos que imos publicar ao longo do curso.

Grazas por participar!!!

Alumnado de 1º de E.P. Xogando no mar

                                             

                                                  Alumnado de 3º de E.P. As aventuras de Laura e Mario.

                                               Alumnado de 2º E.P. Liga Mariña

                                                 

                                            Alumnado de 3º E.P. O tesouro afundido

Expo mar

 

Lembrade  que na biblio temos moitos libros de mar. Temos libros de información e de ficción.

 Ao fondo está un poema moi fermoso de Manuel María.

Teño un barco de xoguete..., 

Desde a biblioteca esperamos que ao longo do curso vos animedes a escribir, crear e ilustrar unha historia con sabor a mar. Lembrade que temos premios para todos os artistas do colexio.

As mulleres galegas e o mar

 Na biblioteca analizamos a evolución da muller galega no traballo no mar. Podedes consultar no Arquivo de Galicia premando na foto.

Na actualidade as mulleres fan todo tipo de traballos. Pareceunos importante dar a coñecer a vida e obra da investigadora  Ángeles  Alvariño. 

Lecturas Día da Muller.

 Lembrade que na nosa biblioteca tedes moitos libros e materiais de todo tipo, para que vos informedes e disfrutedes deste día

Día de Rosalía 2025: ABRIDE A FIESTRA QUE QUERO VER O MAR.

 Como sabedes este curso as actividades do colexio van centradas no mundo do mar.

Desde a biblioteca lembramos a frase de Rosalía: " abride a fiestra que quero ver o mar".

Contan que cando a escritora estaba moi enferma pedía aos seus familiares sentir e ver o mar.

Por iso os carteis levan unha fiestra aberta con versos da autora sobre o mar.

Igual que o curso pasado fomos polo pobo recitando versos da autora e colocando os nosos carteis en institucións e comercios da nosa vila.

Os alumnos e alumnas  de 4º de E.I. deseñaron un cartel que homenaxea aos emigrantes cando se ían para América. Debuxaron un barco de pasaxeiros , puxeron cunchas e a foto de Rosalía na praia.

Deixaron o cartel no punto de atención á infancia de Lourenzá.

O alumnado de 5º de E.I. deseñou un cartel con un  tesouro  no fondo do mar. O cofre contén as obras de Rosalía máis importantes.

O alumnado debuxou estrelas de mar e lembraron os versos das estreliñas da autora.

O seu cartel foi colocado na administración de lotería de Vilanova.

O alumnado de 6º de E.I. deseñou un cartel con unha nena na praia. No horizonte pequenos barcos de pesca. 

Este cartel é unha homenaxe a novela da autora: La hija del mar.

Aínda que é unha novela para adultos, lembramos ao alumnado como era a vida das mulleres que vendían peixe en Galicia ao longo de moitos anos.

Deixaron o cartel na zapatería Charlot de Vilanova de lourenzá.

Aquí nos tedes lendo a Rosalía, a nosa escritora máis universal.

  

                  Fabola con libros de Rosalía o  exemplar máis antigo da nosa biblioteca  ten xa oitenta anos.

O alumnado de E.P. tamén elaborou os carteis.

Traballaron a obra de Rosalía e na clase de T.I.C. deseñaron e compuxeron os seus carteis. Parabéns!!!

                                                               Alumnado de 1º de E.P.

                                                    Alumnado de 2ºde E.P.

                                              Alumnado de 3º de E.P.

                                             Alumnado de 4º de E.P.

                                                                Alumnado de 5º de E.P.

                                                            Alumnado de 6º de E.P.

E desde aquí queremos dar as grazas a todos os que visualizaron  o noso vídeo de Rosalía . 

Levamos máis de once mil visitas. FELIZ DÍA DE ROSALÍA 2025

Semana da Paz. A Paz sempre é a solución

 O alumnado de 6º de E.P. creou e interpretou esta canción que eles mesmos compuxeron.

Tamén representaron diferentes problemas que algunhas veces surxen no noso colexio lembrando ao alumnado que todo se soluciona con PAZ, CARIÑO e AMOR.

Semana da Paz. Rap da Paz

 O alumnado de 5º de E.P. compuxo e bailou este rap que podedes escoitar aquí. Parabéns!!!