Letras Galegas 2025. Celebramos cantando na Praza do Conde Santo

 O pasado venres 16 celebramos  o Día das Letras Galegas. Para comezar esta xornada tan especial, toda a comunidade educativa reunímonos na praza da nosa vila. Alí, os alumnos de sexto de primaria tomaron a palabra e,  ofreceron un discurso explicando a importancia deste día para a nosa cultura e lingua. A continuación, a praza encheuse de voces, desde os máis pequenos ata os profesores, cantamos con alegría dúas emblemáticas cancións populares galegas: "Catro vellos mariñeiros" e "Na beira do mar". 

Despois do recreo, xuntámonos na biblioteca, alumnos e profes. Era o intre de aprender cousas novas. Da man do noso profe de música e coa axuda duns vídeos moi chulos producidos pola Real Academia Galega, mergullámonos no fascinante mundo da nosa cultura. Descubrimos e valoramos a enorme importancia que teñen na tradición galega a poesía oral e a música popular, con especial atención ás nosas incribles cantareiras. Foi unha maneira xenial de entender e apreciar ese legado tan rico que temos!

 Coñecimos as  Pandeireteiras de Mens, un grupo que fixo vibrar escenarios de medio mundo. Tamén nomearon ás irmás Adolfina e Rosa Casás, de Cerceda, que son a proba de que a tradición pasa de pais a fillos (ou de irmás a irmás!). E non podemos esquecer a Eva Castiñeira, de Muxía, outra voz poderosa desta festa.

Despois lembramos  unha actuación en Luar dos anos noventa:un grupo de persoas de San Adriano cantaban e bailaban música tradicional galega.  Si queredes podedes volver a ver o vídeo pinchando na foto,

Rematamos a xornada coa actuación de Carla, Iván, Irene, Ana Luísa e Nerea. Cantaron"A Ruada de Pigarzos", que nos encantou a todos!

Letras Galegas 2025: poesías e cantigas do mar.

 Durante esta semana na biblioteca, as profesoras Isabel, Mari Luz, Lucía e Chelo traballaron a poesía e a música  popular de tradición oral. Os alumnos crearon rimas sinxelas sobre animais mariños. Despois puxéronlles un pouco de música con palmas e pandeiretas, como facían as cantareiras galegas.

Letras Galegas 2025.NA BEIRA DO MAR. Cartel

Con Este cartel tan alegre convídamosvos  a celebrar o Día das Letras Galegas cun concerto na praza de Lourenzá. A nena que vemos tocando a pandeireta podería ser calquera das nenas da nosa vila, gozando da música popular da nosa terra. Coa súa pandeireta e o seu sorriso, lémbranos a alegría das nosas cantigas e a riqueza da nosa cultura galega.

Pero hai máis neste cartel. Vemos tamén unha pescantina, unha muller forte e traballadora que representa a todas esas mulleres galegas que, ao longo da historia, transmitiron de xeración en xeración as melodías que despois se converteron nas cancións que hoxe coñecemos. Mulleres coma elas, co seu canto e a súa paixón, mantiveron viva a nosa música e a nosa tradición oral.

Con este cartel queremos celebrar a alegría da nosa música e tamén render homenaxe a todas esas mulleres que foron as verdadeiras gardiás do noso patrimonio musical. Agardámosvos para cantar e celebrar xuntos!"

Os centolos: misteriosos habitantes do mar

Os nenos e nenas de cuarto de primaria fixeron unha misión moi divertida! Quixeron saber todo sobre un animal mariño que nos gusta moito comer en Galicia: o centolo!

Imaxinade un bichazo que camiña polo fondo do mar, agochado entre as rochas. Ten un caparazón duro e forte, coma unha armadura, e unhas patas longas con pinzas. Parece un pequeno monstro simpático!

Estes investigadores tan curiosos descubriron onde vive o centolo, que lle gusta comer (algas e outros animais mariños pequeniños) e como se move polo mar. 

Foi unha aventura moi interesante coñecer os segredos deste marisco tan rico da nosa terra!

A gozar da praia coma uns campións... e coidando o planeta!

Os rapaces e rapazas de cuarto non só andaron a investigar centolos, amén se converteron en súper heroes da praia! Fixeron un vídeo  con un montón de ideas xeniais para pasalo bomba na area e na auga... sen fastidiar nin un pouquiño o noso planeta!

Así que xa sabes, se queres ser o máis guay da praia este verán e ademais axudar a que siga sendo un lugar máxico, non podes perder este vídeo!

¡Dálle ao play, apréndeo e compárteo con todos os teus amigos! Xuntos podemos facer que as nosas praias sexan as máis divertidas e as máis limpas do mundo! 😉🌊☀️

Mar limpo, sardiñas felices

 Os alumnos e alumnas de terceiro de primaria fixeron un lapbook moi chulo sobre as sardiñas. Nel, mostran como son: de corpo longo e prateado, con aletas e un tamaño característico. Tamén contan onde viven, nos mares, movéndose en grandes grupos. Explican que comen e como se alimentan. Ademais, podemos ver como medran, desde larvas ata sardiñas adultas. Falan de por que son importantes no mar e para nós como alimento, explicando o boas que son e como se poden pescar coidando o mar. Un xeito moi creativo de aprender sobre as sardiñas!

Ademais do lapbook, os nenos e nenas de terceiro crearon un conto onde van nun barco a pescar sardiñas de xeito sostible. No relato, contan como buscan as sardiñas coidando o mar, que tipo de barco usan e como pescan só as que precisan, respectando o tamaño e sen danar outras especies nin o fondo mariño. Unha maneira moi chula de aprender a pescar sardiñas respectando a natureza!

Podedes velo tanto en vídeo como neste cartel. 

 

Na Biblioteca tamén investigamos o mar

 Na biblioteca do noso colexio, mergullámonos nunha fascinante viaxe para explorar e comprender a vida no mar. A través dunha emocionante investigación, descubrimos a incrible diversidade de criaturas que habitan os océanos, desde as maxestosas baleas ata os diminutos microorganismos. Aprendemos sobre os diferentes ecosistemas mariños, como os vibrantes arrecifes de coral e as misteriosas profundidades abisais. Ademais, investigamos os desafíos que enfronta a vida mariña, como a contaminación e o cambio climático, e reflexionamos sobre a importancia da conservación dos nosos océanos. Foi unha aventura de aprendizaxe realmente enriquecedora!

Actividades Día do Libro 2025

 

Para celebrar este día tan importante fixemos, como todos os anos, unha exposición  da obra máis importante  en lingua castelá: El Ingenioso hidalgo Don Quijote de la Mancha, de Miguel de Cervantes.

O Alumnado de 6º contou e representou a súa obra Don Quijote en Lourenzá

Todo o colexio acudiu a nosa cita.

Foi unha xornada moi divertida. Ao alumnado pareceulle un pouco curta. Entón tivemos dúas sorpresas:

 Dalia, unha alumna de 1º de E.P, con axuda dos seus compañeiros contou un conto chamado O viaxe das fadas. Un conto moi divertido que ela mesmo inventou para celebrar este día.

Tiago, un alumno de 6º de E.I. experto en Dinosaurios tamén nos contou unha aventura moi graciosa destes animais.

Izan, Noel e Adam remataron a xornada con adiviñas literarias e chistes.

Moitas grazas a todos por participar !!!

Premio Fabola de poesía 2025

Neste curso que dedicamos ao mar quixemos que todo o alumnado descubra ao poeta do mar. 

Antonio García Teijeiro  levounos  ao fondo do mar, a coñecer sereas e a navegar polos sete mares.

O noso premio Fabola de poesía é para o seu libro Poemar o Mar, que xa no 2017 foi Premio Nacional de Poesía.

Todo o alumnado coñeceu e leu este libro. 

                              

O alumnado de 4º de E.I. coñeceu, ilustrou e recitou o poema Quere o mar o que non ten.

                                                

O alumnado de 5º de E.I. coñeceu, ilustrou e recitou o poema Unha serea poeta.

O alumnado de 6º  de E.I. coñeceu, ilustrou e recitou o poema Neno raro.

Despois eles tamén fixeron versos azul celeste e verde esmeralda que podedes ver ao final do vídeo.

O alumnado de E. P. tamén coñeceron e ilustraron a obra do autor aquí tedes debuxos e vídeos que iremos poñendo ao longo do curso. Grazas a todos por participar e ler poesía .

                               

                             
Nour-Ham creou este vídeo con debuxos feitos por ela do  poema Unhas coxégas ao mar.

Martina creou este vídeo con debuxos feitos por ela do  poema Soños de pombas.

Paula  creou este vídeo con debuxos feitos por ela do  poema Sorrimar.

Jonathan e Xabi crearon este vídeo con debuxos feitos por eles do poema un , dous tres.

Estrella, Carmen, Bader  e María recitan  e crearon este vídeo con versos do autor .

Día do Libro Infantil: Mariña, a serea ecoloxista

 Como todos os anos lembramos a obra de Hans C. Andersen con unha exposición.

Este ano que dedicamos ao mar, traballamos un dos seus contos máis famosos: A Sereiña.

Aínda que nós fixemos outra versíón .

A nosa serea chámase Mariña, é unha serea ecoloxista que con axuda dos seus amigos limpan e coidan do mar.

Está feito con debuxos do alumnado. Tamén utilizamos diferentes recursos e programas de deseño gráfico. Esperamos que vos guste.

Temos dúas versións unha para ler e outra en vídeo. Cal vos gusta máis?